亞太動物醫院

我隻貓咪突然間甩手指甲，我很擔心，護士在電話教導如何護理。護士好好人幫我睇booking, 有人突然間取消，我可以插隊睇醫生。鄭醫生和護士很細心，手術很快完成。推薦！

我早星期貓貓走左，佢已經係亞太睇左2-3個星期，話個心唔好，自己造唔夠血要打造血針，但個時又唔講要搵定輸血貓，個時我已經係每3-4日就帶佢出去打造血針，情況差左佢地又留意唔到。

星期五驗血話佢嚴重貧血要搵貓輸血，但唔幫佢驗埋血型，佢已經唔舒服好辛苦，我要星期六再拎佢一次出去驗血型，我好彩搵到貓星期日輸血，但佢輸完當晚就走左，我覺得佢冇check清佢有其他病。最嬲既係佢下午3點開門，我2: 45去到，我問佢可唔可以即刻開始輸血，佢地話要3點先可以開始，但我隻貓個時已經攤左係到唔係好郁，個醫生已經當自己身份係一份工，無醫德，我唔會再帶我其他貓去睇呢間野

不負責任, 三番四次交待唔好鎖太緊頭箍, 完全被無視

整死貓完全無出現同主人交代，要我第二日返去先肯解釋。林仲德係我遇過最無醫得既獸醫，淨係識得收錢，貓貓生前一直打類固醇針，係治到標，但完全無解釋過背後既副作用。貓貓走左先由其他醫生到知道我一直慢性傷害緊佢身體。非常後悔我既一念之差就帶走左佢，唔希望再有主人步呢個後麈。

呢間嘢我發誓永遠唔會再帶我啲貓去睇, 幾年前帶咗我兩隻貓去睇牙, 第一隻貓明明只係需要洗牙, 放低貓打咗麻醉之後, 姑娘打電話嚟話我隻貓有兩隻門牙鬆咗要剝, 明明之前我一路都有同啲貓檢查開佢嘅牙, 佢係大牙有牙石問題, 點會無啦啦有兩隻門牙鬆咗呢, 仲要係一左一右, 唔係兩隻黐住, 又無牙肉發炎.

我另外一隻貓門牙有兩隻鬆咗, 牙肉發炎, 林仲德醫生同我講話佢要剝三隻, 跟住我好肯定咁問清楚醫生, 話佢只有兩隻鬆咗, 有一隻牙仲係好健康㗎喎, 點解要剝, 跟住醫生再望多兩望, 先話係喎, 只係剝兩隻就得, 喂, 你係獸醫嚟㗎喎, 唔係乜嘢都求求其其是是但但㗎, 如果唔係我力保住, 我隻貓又少咗一隻牙啦, 我唔明白點解呢間野咁鍾意幫我啲貓剝牙, 令佢哋承受不必要嘅痛苦, 如果牙齒牙肉真係有問題要剝牙我明白, 如果啲牙齒係健康嘅點解要剝呀? 收多嗰少少錢係咪真係咁緊要? 定係你地當幫貓剝牙係一種training? 我好後悔帶咗我第一隻貓入去, 令佢無啦啦冇咗兩隻健康嘅牙.

亞太動物醫院（太子區），是我所見的對動物愛熱成十足的診所！我所接觸的兩位醫生，林醫生，鄭醫生，一眾護理姐姐哥哥，他她們除醫術高超外更對病患的動物愛照顧有加，令人敬重，由其鄭醫生，更令我感激萬分，對我的小貓（康仔）十分關照。康仔在四年前因一次意外，跌傷尿道神經系統，失去自己小解功能，令到腎臟功能嚴重減退至得4成功力，近數月來經鄭醫生悉醫治後，腎臟功能明顯進步，時有出人意表的表現，間中會自己去小解。我和太太向鄭醫生致敬！

特文表揚，祝願 鄭醫生未來能有更佳的醫學發現，使更多動物有重生的新機會！本人鄧國文（康仔）主人，謹此致謝。

Cruel and vicious doctor, arrogant; better to take your pet to the butcher than to this alleged vet!