Sai Kwan Lo Jo

Hello我係Moon
朋友同我講佐敦文苑街有一間外賣小店好值得去試吓，佢喺2023年留意到依間係米芝蓮推介嘅小店，佢食過都覺得幾好食，同埋選擇都幾多有啲仲幾特別添！

佢同我講喺柯士甸過去會方便啲，咁我就聽佢講係柯士甸行過去啦！

行咗幾個路口就到西關老祖，我去到嘅時候都見到有人喺度排隊自助落單，感覺都幾方便！

餐牌上嘅嘢食都係比較特別嘅，最令我感到吸引嘅，梗係炸糭！到咗小店之後我就WhatsApp咗朋友話俾佢知我要落單啦！佢叫我留意吓，今日有咩特選嘅飯，叫我都試吓佢哋嘅飯喎，價錢唔係太貴，同埋我都想試吓佢哋嘅黑叉燒，咁就一於嗌多個飯啦！

依度嘅外賣訂單都幾多，所以等候嘅時間都會耐啲，等嘅時候我就喺依家充滿日式嘅店舖打卡啦！

先嚟嘅就係爆炒XO醬蘿蔔糕配炸糭，XO醬真係唔錯， 蘿蔔糕都食到入邊嘅白蘿蔔口感！炸糭有種好似結合左飯焦嘅香同埋綠豆蓉嘅焦香， 中間仲有鹹肉提味， 果然冇令我失望！

每日特選飯類，今次係黑叉燒蔥花炒蛋飯，餐廳選用左日本產雞蛋，所以食落去真係好香，黑叉燒份量都唔少，佢嘅味道係鹹鹹香香嘅，所以送飯真係一流！

我另外再追加左佢哋嘅炸午餐肉，呢啲邪惡嘅咋嘛，梗係要試吓啦！炸到脆卜卜仲有好香嘅午餐肉油脂香，真係令人無法抗拒！

飲品就要老祖綠豆沙，綠豆沙真係真材實料，佢另外仲有紅豆沙選擇㗎！

孜然炸雞髀配孜然炸薯條就係佢哋嘅經典茶餐，即叫即炸嘅雞髀可以保持到佢嘅肉質鮮嫩同埋咬落去都好多汁，薯條就係粗薯條，我個人都幾鍾意食！孜然味好惹味！

最後MoonMoon幾滿意依度，食物選擇多，而且都係有特色嘅，佢哋嘅黑叉燒同埋炸物都做得幾好，有機會再食先！

Stir fried cheong fun was flavourful and aromatic. Food isn't expensive either

I ordered their 盤菜 online and they took my money. But then said they can’t deliver since they too busy making 糭 for dragon boat festival? !

I can’t comment on their food but this kind of service is not acceptable!